BUTUAN CITY – Giklaro sa Department of Justice nga wala’y nagbawal aron mapasakaan og kaso si Vice President Sara Duterte human gipamugos sa kampo sa akusado nga dili kini mahimong i-prosecute dungan sa impeachment trial.
Kini human gikasuhan og grave threats si VP Sara tungod sa pagbahad niini sa kinabuhi nila Pangulong Ferdinand Marcos Jr., First Lady Imelda Marcos ug kanhi House Speaker Martin Romualdez.
Gipadayag ni Prosecutor General Richard Anthony Fadullon nga ila na lang itugyan sa hukmanan ang pagdetermina kon pagresolba sa kaso bisan pa og impeachable officer si VP Sara.
Gibarugan ni Fadullon ang resolusyon sa maong kaso dayong pamugos nga duna’y lig-ong ebidensya nga maoy iyang gibasehan human gipadayag ni Palace Press Officer Claire Castro nga nakuwangan siya sa kasong grave threats human unang gibasura ang kasong inciting to sedition batuk sa besi presidente.
