BUTUAN CITY – Padayon pang gisuta ang kinatibuk-ang damyos human gilamoy sa kalayo ang usa ka plywood company sa may Purok 7, Brgy. Ampayon ning siyudad sa Butuan nga nagsugod pasado alas-2:30 ning hapuna.
Sigon sa usa sa mga trabahante, nagsugod pag-ulbo ang kalayo gikan sa bond dry section kansa dali matud pang midako rason sa daling pagpanggawas sa mga trabahante tungod sa kabaga na sa asong mitabon kanila.
Wala’y angayang kabalak-an tungod kay layo ra ang kabalayang anaa sa luyong bahin niini ug nasutang ikatulo ka higayon na usab kining nasunog.
Sa eksklusibong pakighinabi sa Bombo Radyo Butuan, gipadayag sa ground commander sa Ampayon Fire Station nga si Bowen Lofranco nga pasado alas-3:30 nila nakontrola na ang kalayo human gitabangan sa pipila ka mga fire trucks ning siyudad. (
Nasayrang gipang-iyahan ang maong planta ni Jobert Daquipil.
Giklaro ni Marjorie Dayahon, secretary sa nasunog nga planta nga gikan sa bond dry ang kalayong mi-ulbo kaganina ug tungod sa kadbaga sa aso, mas gipili nilang mugawas na alang sa ilang kaluwasan.
Sa eksklusibong pakighinabi ning sibyahan, gibutyag ni Marjorie nga puno sa mga kahoy ang bond dry kondin ang uban niini habwa-unon na tungod kay uga na samtang ang uban bag-o pang gi-load.
Upat matud pa ang ilang bond dry ug duha ang nasunog ug blangko pa siya kung pila ang posibleng damyos niini.
Iyang gi-angkon nga wala’y angayang kabalak-an kanilang mga trabahante tungod kay luwas silang nakagawas tanan gawas lang sa nadamyos nilang bond dry.
