BUTUAN CITY – Padayon pang gipakisayran sa mga bombero ang hinungdan sa sunog ug ang damyos nga gibilin niini human miulbo sa Joseph Subdivision, Sintos, P-2 barangay Villa Kananga ning siyudad sa Butuan pasado alas-6:50 kagabii.
Nagsugod ang kalayo sa usa ka bodega kansang mga tinda i-display sa Langihan Public Market ug tungod sa mga plastic hinungdan sa paspas nga pagdilaab sa kalayo.
Gikataho nga gipanag-iyahan usab ni Maria Emelda Parao, ang naugdaw nga bodega ug nadamay nga panimalay ni Parao.
Sumala ni Fire Senior Inspector Paul Jorge Barrozo, Acting City Fire Marshal sa Butuan City Central Fire Station sa pakighinabi ning sibyahan, ilang pang gipanubayan ang hinungdan sa pag-ulbo sa sunog apan gipadayag niining nakontrola nila ang sunog pila ka minutos human ang pag-abot nila sa lugar.
Girespundihan ang maong sunog og lima ka mga fire trucks kansa mi-abot lamang sa 1st alarm.
