BUTUAN CITY – Nadungangan na usab og 14 ka bagong kaso sa COVID-19 ug laing usa nga patay ang Butuan City kagbie.
Kini ang gikumpirma sa Department of Health -Center for Development- Caraga atol sa ilang gihimong online press briefing, diin lakip kini sa nadawat nilang 36 kamga RT-PCR confirmatory results gikan GeneXpert Molecular Laboratory sa Butuan Medical Center kondiin 22 ang nagnegatibo.
Sa 14 ka mga bag-ong cofirmed cases, 3 niini ang mga Healthcare workers, 4 ang mga frontline non-medical workers, ug 8 ang gi-isip nga local transmission cases. Sa maong mga kaso, 9 ang mga lalaki samtang 6 ang mga babaye ug mayoriya kanila anaa sa edad nga 30 hantod 50 anyos diin 23-anyos ang pinakabata ug 68-anyos ang pinakatigulang.
Nagsumikad usab ang maong mga bag-ong kaso sa Villa Kananga nga dunay 3, Libertad (2), Obrero (2), Ambago (1), Bading (1), Bayanihan (1), Holy Redeemer (1), J.P. Rizal (1), Kinamlutan (1), San Ignacio (1) ug San Vicente (1).
Nakasinati usab ang 10 kanila og mild symptoms,(1) ang moderate ug ang nabiling (3) mga asymptomatic.
Sigon ni OIC Assistant Regional Director Gerna Manatad, istriktong gi-monitor ang mga asymptomatic cases samtang ang mga symptomatic patients gi-admit na sa nagkadaiyang hospital o quarantine facilities.
Samtang nasuta nga ang ikalimang COVID-19 confirmed death nga gikan sa Northern Mindanao Medical Center (NMMC), Cagayan de Oro City nga usa ka 56-anyos nga hypertensive male gikan sa Brgy. San Ignacio, kinsa gi-admit at NMMC adtong Agusto 25 tungod kay naglisod sa pagginhawa ug namatay ra usab sa susamang adlawa.
Sa kasamtagan, ang total COVID-19 confirmed positive cases sa Caraga miabot na sa 496 diin 344 ang recoveries nga hingpit nang na-discharged, 147 ang mga active cases, ug 5 na ang patay.
