BUTUAN CITY – Wala pa’y nadawat nga formal complaint o petisyon ang Commission on Elections kon COMELEC-Butuan kalabot sa mga posibeng kalapasang nakumitar sa mga mukandidato sa Barangay ug Sangguniang Kabataan kon SK elections.
Sa eksklusibong pakighinabi sa Bombo Radyo Butuan, gipadayag ni city election officer Atty. Tristan Niog nga duna na hinuo’y nangduol kaniya ug nangutana sa mga angayang buhaton kung magduso og reklamo o petisyon.
Apil sa mga initial concerns nga ilang nadawat, duna’y kalabutan sa incumbency, consanguinity ug affinity ilabina sa mga mikandidato sa SK elections ug duna’y kabanay nga barangay officials. Gipasabot sa opisyal nga andam nilang resolbahon ang mga election-related issues partikular na sa mga angayang tumanon nga balaud.
Padayon ang monitoring sa Commission on Elections kon COMELEC-Butuan sa ginahimo sa mga kandidato sa Barangay ug Sangguniang Kabataan kon SK elections aron masuta kung duna ba’y milapas sa Omnibus Election Code ilabina sa early campaigning.
Sigon ni Butuan City election officer Atty. Tristan Niog, gitugutan gihapon ang mga incumbent barangay officials pagtunol og serbisyo ngadto sa ilang mga constituents, provided nga wala’y ilang pangalan isip pagsunod sa ‘Kontra Bigay’ nga palisiya sa ahensya.
