BUTUAN CITY- Malipayong gipahibalo ni Atty Samuel Rollo ang City election officer ning syudad sa Butuan human nga hangtod sa katapusang adlaw sa withdrawal ug substitution sa COMELEC kagahapong adlawa, walay bisan usa matud pa ang nagfile og withdrawal ug substitution ingun man wala usa’y nagfile og petition sa ilang buhatan.
Tungod niini, plano na karun sa buhatan ang pag-prepara sa uban pang gikinahanglan alang sa umaabot nga pinili-ay sunod tuig.
Sa pakighinabi ning sibyahan, gibutyag pa ni Atty Rollo nga anaa na karun sap ag-update sa mga listahan sa mga botante ilabina nga dunay mga nadugang ug duna usa’y mga nawala hinungdan nga e-pinalisar na nila kini alang unya sa himoong clustering sa mga presinto.
Sumala pa niini, nga kadto usab mga myembro sa us aka partido kondiin kung ugaling dunay mag-disqualify o ba kaha ma-petitionan, mahimo matud pa kini nga mag-substitute apan sa parehas lang usab nga apelyedo ingun ma partido.
Alayon niini, gibutyag ni Atty Rollo nga paaboton lang usa sa mga aspirants ang mahimo unya nga mugawas nga pinal nga listahan sa sunod buwan kung malakip baa ng ilang pangalan alang unya sa pinili-ay sunod tuig.
Tungod niini, gi-awhag usab sa buhatan nga kung mahimo matud pa, dili lang usa magkampanya karung mga panahona ilabina nga layo pa ang pormal nga kampaya sa Marso 25 sunod tuig alang sa local candidates tungod kay dili matud pa maayo sa us aka kandidato nga dili musunod sa campaign rules ug regulations
