BUTUAN CITY- Mingsaka sa mas mataas nga puwesto ang Filipina tennis star nga si Alex Eala sa pinakabag-ong rankings sa Women’s Tennis Association human ang iyang kampanya sa Madrid Open.
Gikan sa No. 44, mingsaka si Eala sa ika-42 nga puwesto sa singles rankings human makasulod sa second round sa torneo, kung asa nakadugang kini og 35 points alang sa kinatibuk-ang 1,285 points.
Sa iyang kampanya, gipildi ni Eala si Anastasia Pavlyuchenkova sa first round sa iskor nga 6-3, 6-3, adiser napildi kang Elise Mertens sa second round, sa skor nga 2-6, 1-6.
Sa doubles usab, nakig dou si Eala kang Zeynep Sonmez kung asa ming-abot sila sa second round. Gipildi nila sila Chan Hao-ching ug Fanny Stollar sa first round, sa skor nga 6-2, 6-2, adiser mingdungo nila Katerina Siniakova ug Taylor Townsend sa second round sa skor nga 1-6, 5-7.
Tungod sa iyang performance, nakakuha si Eala og 120 puntos sa doubles nga ming-alsa kaniya sa career-high nga No. 88 sa rankings, gikan sa kanhi No. 99.
Kasamtangang anaa sa Rome si Eala aron panagandaman ang iyang away sa Italian Open.
