BUTUAN CITY– Gikumpirma sa Department of Health kon DOH Eastern Visayas nga kontrolado na ang pagbuto sa chikungunya sa lalawigan sa Samar human sa labing menos 372 ka mga residente ang natakdan sa sakit niining bulana.
Sumala ni Regional Epidemiology and Surveillance Unit head Roderick Boyd Cerro, wala na’y bag-ong pagsaka sa kaso sa mga lungsod sa Basey ug Gandara, diin gideklarar ang outbreak sa sayo ning bulan.
Gipasabot usab niini, nga gipalig-on sa DOH ug sa lokal nga mga panggamhanan ang koordinasyon ug nagpahigayon og fogging operations aron mapugngan ang pagdaghan sa mga lamok nga nagdala sa sakit. Bisan adunay pipila ka nagkalainlaing kaso sa ubang bahin sa rehiyon, sigon sa DOH nga dili na kini makapabalaka.
Ang chikungunya usa ka sakit nga gidala sa Aedes mosquitoes ug adunay mga sintomas sama sa dengue, lakip ang hilanat, rashes, sakit sa kaunoran, ug grabeng kasakit sa mga lutahan.
