BUTUAN CITY – Wala na maka-abot pang buhi sa ospital ang usa ka lalaki human kini naghikog ug napalgan pasado alas-3:40 kagahapon sa hapon sulod sa iyang pinuy-anan.
Naila ang biktimang sai Isabel ‘Dodong’ Gultiano, 42-anyos, duna’y ka-ipon, residente sa Purok 16, Bagong Silang, Brgy. San Mateo ning siyudad sa Butuan ug chairman sa Coconut Farmers’ Association sa maong barangay.
Migawas sa imbestigasyon sa ginsakpan sa Butuan City Police Station 5 nga nakadawat sila og tawag kalabot sa mnaong insidente base na usab sa report sa ka-ipon niining si Nenet Arnado nga gikumpirma usab ni Kapitan Danilo Reyes rason nga dihang ila kining girespondihan, dali nila kining gidala sa ospital apan gideklara nang dead-on-arrival sa attending physician.
Usa sa gitu-uhang hinungdan sa iyang paghikog ang mga reklamong iyang nadawat human nga sa 90 ka mga membro sa ilang asosasyon, 30 pa lang ang nadawat og benepisyo gikan sa gobyerno nga gitagana alang sa mga coconut farmers.
