BUTUAN CITY – Giklaro ni Pedro Tecson, tigpamaba sa Department of Education kon DepEd-Caraga nga parehong midawat og certificate ug medal ang mga atletang kabataang nangdaug sa bag-ohay lang natapos nga Caraga Athletic Association – Regional Sports Competition 2023.
Sa eksklusibong pakighinabi ning sibyahan, gibutyag niining nasabutan nang daan sa management committee meeting sa ilang mga opisyal nga certificate lang ang ihatag sa mga atleta sa gmes venue ug ang medal didto na ihatag sa matag-division offices tungod kay wala na makaya pa sa budget sa regional office ang pagpalit og medalya.
Gipamugos sa opisyal nga napahibalo na niini ang tanang coaches, aleta ug mga ginikanan rasong wala na nasurprisa niini ang mga kabataan dayong angkon nga tingali dunay mga ginikanan nga wala na-imporma rasong nag-post og reklamo dinha sa social media.
Giklaro usab ni Tecson nga walay memorandum nga gipagawas ang regional office aron ipatawag ang mga ginikanan nga nagreklamo hinoon nagmandu kini sa mga division offices nga kung istoryahon og tarong ang mga ginikanan.
Naghatag na usab og tubag ang regional office sa memorandum nga gipakanaog sa central office isip pagpasabot sa maong reklamo.
Alayon niini, gibutyag ni Tecson nga dunay himoong lakang ang buhatan aron dili na mausab pa ang maong panghitabo sa sunod nga regional athletic meet.
