BUTUAN CITY – Gibutyag ni Butuan City Councilor Ferdinand Nalcot nga gihikay na ang cash assistance alang sa mga nasunugang pamilya sa may Purok 3, Brgy. Ampayon ning siyudad.
Kini human unang nahutdan og nadawat na nilang ayuda ang mga nasunugan alang sa ilang mga nag-unang panginahanglanon sama sa bugas, mga saridanas, kape ug mga non-food items.
Sigon ni konsehal Nalcot sa pakighinabi sa Bombo Radyo Butuan, gihikay nila karon uban ni Ampayon acting Barangay Captain Danilo Maisog nga mapagawas na sa daling panahon ang pundong ihatag alang sa mga pamilyang nasunogan kansa 5,000 pesos ang madawat alang sa tag-iya sa partially burned nga panimalay ug 10,000 pesos usab alang sa mga totally burned nga panimalay, provided nga duna sila’y pruweba nga diha sila sa maong panimalay nagpuyo ingon man pagpresenta og mga valid IDs ug uban pa.
