BUTUAN CITY – Gipanganlan na ang napatay nga suspek sa car attack atol sa New Year’s Eve sa New Orleans nga mikalas og 10 ka mga tawo og 35 ang samaron.
Naila kining si Shamsud Din Jabbar, 42-anyos kansa nagdako sa Texas og anaa sa military sulod sa dekada.
Gimaneho ni Jabbar ang usa ka pick-up truck og kusog kaayung nagpadagan og gibanggaan ang nagtapok nga mga tawo.
Base sa imbestigasyon sa Federal Bureau of Investigation ang maong pag-atake usa ka akto sa terorismo.
Nakita usab ang itom nga flag sa bumper sa sakyanan diin gi-analisar sa mga imbestigador kung duna ba kini kutay sa Islamic State group.
Natigayon ang kremin bandang alas 3:15 sa buntag sa Bourbon og Canal Streets sa French Quarter neighborhood samtang nagtapok ang mga tawo aron motan-aw sa fireworks og pipila ka oras ra usab adiser ang gi-atangan nga Sugar Bowl college football playoff game.
Misulay pa pagsibat ang suspek apan napatay kini sa otoridad human misukol.
Sa nahimong pamahayag ni New Orleans Mayor LaToya Cantrell, gibutyag niining padayon pa ang imbestigasyon lakip na ang pagkumpirma kung kini terrorist attact ba. Mihangyu kini sa katawhan nga eampo ang mga namatay sa maong pag-atake.
