BUTUAN CITY – Gitay-og sa halapad nga drone ug missile strikes sa Russia ang Ukraine kagabii, Mayo 5, nga miigo sa power grid ug uban pang imprastraktura, ug gikamatay sa dili moubos sa lima katao samtang 39 ang samaron.
Sigon sa Ukrainian Air Force, migamit ang Russia og 11 Iskander-M ballistic missiles ug 164 drones sa managsunod nga pag-atake. Bisan og na-intercept ang kadaghanan dunay pipila ka missiles ug drones nga miigo sa mga target lakip ang ang mga pasilidad sa enerhiya sa Ukraine.
Nasayran nga naigo ang mga natural gas facility sa Poltava ug Kharkiv regions, sumala sa state energy firm nga Naftogaz.
Sigon sa kumpanya nga sige na naigo ang ilang mga pasilidad sugod sa nakalabay nga tuig.
Tungod niini, gikondena ni Ukrainian President Volodymyr Zelenskyy ang mga pag-atake, ug gitawag kining “utter cynicism” sa Moscow, ilabina kini dungan sa temporaryong ceasefire.
Sumala sa Russia, magpatuman kini og unilateral ceasefire sa mga umaabot nga adlaw mahitungod sa paghandum sa Victory Day, apan pasidaan niinin nga mobalos sila ugaling moatake ang Ukraine.
Tubag sa Kyiv, andam usab kining musunod sa ceasefire kung musunod usab ang Russia, apan pasidaan usab niini nga mobalos sila sa bisan unsang paglapas sa kasabutan.
Samtang , nagpadayon ang binayloay sa pag-atake tali sa dduha ka nasud diin naglusad usab ang Ukraine sa long-range strikes sulod sa Russian territory.
