BUTUAN CITY – Gitun-an ni United States President Donald Trump ang bag-ong proposal sa Iran aron masulbad ang ilang bangi sulod sa usa ka buwan sa ingon hingpit nang matapos ang giyera inay nga lugwayan lang ang ceasefire.
Apan bisan si Trump, duda sa kamatinud-anon sa Iran sa ilang pamahayag.
Nasayrang apil sa 14-point proposal sa Iran ang paghunong sa giyera, pagtangtang sa sanction sa Amerika kanila, pagtapos sa naval blockade, pag-withdraw sa US forces sa rehiyon, ug paghunong sa tanang opensiba apil ang operasyon sa Israel sa Lebanon.
Gipadala matud pa sa Iran ang ilang proposal pinaagi sa Pakistan nga maoy mediator sa negosasyon sa duha ka nasud.
Samtang gibarugan usab sa Iran ang ilang posisyon sa Strait of Hormuz dayong butyag nga dili sila mu-atras sa negosasyon samtang nagpadayon ang ceasefire sulod sa tulo ka semana.
