BUTUAN CITY – Nagpabiling ma-ampingon ang kampo ni Vice President Sara Duterte bisan paman sa taho mahitungod sa daghang senador ang posibleng musuporta kanya kung mag-convene ang Senado isip impeachment court.
Sigon ni panel of defense spokesperson Atty. Michael Poa sa pakighinabi sa Bombo Radyo, dili pa kini kampante sa ihap sa mga senador nga mamahimong mopaborg sa bise presidente tungod kay matud pa hisgutanang pulitika kini.
Gibutyag pa ni Poa nga paspa ang kausaban sa pulitika rasong dili tukmang mag-ihap sa mga senator-judges nga makonsiderang kaalyado.
Sa karun, nakatutuk ang legal team sa pagpalig-on sa ebidensiya ug pagpangandam sa mga testigo para sa posibleng pagtaral.
Gipamugos ni Poa nga mobotar ang mga senator-judge base sa ebidensiya ug testimonya, dili sa pulitikal nga kalambigitan.
Nagtoo ang kampo ni VP Sara nga mahimong patas ang proseso sa oras nga magsugod ang trial.
