BUTUAN CITY- Gibutyag ni US Defence Secretary Pete Hegseth nga “wala pa matapos” ang ceasefire tali sa US ug Iran bisan pa sa mga pag-atake sa Strait of Hormuz niadtong Lunes.
Gipanghinambog usab niini, nga adunay “red, white and blue dome” nga nagpanalipod sa waterway, human makalabang ang duha ka barkong komersyal sa US nga walay samok.
Apan giluwatan sa Iran nga sila “nag-sugod pa lang” ug nagpasalig nga kontrolado nila ang strait, kung asa nagpalupad sila og missiles ug drones batok sa mga barko militar ug komersyal.
Ang UAE usab mitaho nga nakasalo kini og 15 ka missiles ug upat ka drones gikan sa Iran. Sa kasamtangan, nagpabilin nga gamay ra ang kalainan tali sa kalinaw ug bag-ong hostilities samtang wala pa’y klarong concession gikan sa duha ka nasud.
