BUTUAN CITY – Wala pa gihapon mag-sink in sa Butuanon nga si Vanda Charisse Costillas Dejolde nga ika-unom siya sa top 10 alang sa Physician licensure examination alang ning tuiga tungod sa grabe kalisod sa ilang exam kondiin sa iyang kabahinan ug sa mga ka-uban iyang examinees, gamay lang sa ilang gi-review ang nanggawas.
Sa eksklusibong pakighinabi sa Bombo Radyo Butuan, gipadayag sa 26-anyos na nga doktor nga regalo sa Kahitas-an ngadto kaniya ang iyang nakab-ot ilabina nga iya kining gi-ampo.
Aminado si Dr. Dejulde nga dili niya childhood dream ang mahimong doktor kansa nabutang lang sa iyang huna-huna human nakabasa sa ilang relihiyon nga maoy nag-aghat kaniya aron kini ang iyang tun-an sa Adventist University of the Philippines sa Silang, Cavite.
Kini matud pa ang hinungdan nga sillang entiro pamilya uban sa iyang tulo ka mga igsoong lalaki, namalhin na og puyo aron maduol-duol siya sa maong unibersidad.
