BUTUAN CITY – Padayong nag-una ang delegasyon sa Department of Education kon DepEd-Butuan City Divison sa overall medal tally as of alas-2:23 karong hapuna subay na sa nagpadayong Caraga Regional Athletic Games kon CaRAGa 2024.
Sa 39 ka mga medalyang nasakmit sa Butuan City, 24 niini ang mga medalyang bulawan, 9 ang silver ug 5 ang bronze.
Nagsunod sa Butuan ang Surigao del Sur nga duna’y 19 ka mga gold ug tag-walo ka silver ug bronze medals.
Ikatulo ang Surigao City nga duna’y 6 ka gold, 8 ka silver ug 18 ka mga bronze medals dayon ang Tandag City nga duna’y 6 ka gold, 14 ka silver ug 7 ka mga bronze medals.
Nabutang sa ika-upat hangtud sa katapusang pwesto ang Agusan del Norte, Bayugan CIty, Bislig City, Agusan del Sur, Cabadbran City samtang nag-tie sa ika-11 nga pwesto ang mga isla sa Dinagat ug Siargao.
