BUTUAN CITY – Welcome development alang sa lokal nga kagamhanan ning siyudad sa Butuan ang desisyon sa Regional Trial Court, Branch 33 sa Hall of Justice ning siyudad sa Butuan nga nagpahamtang og tibuok kinabuhing pagkabilanggo ngadto sa mga masterminds sa Kabos Padatuon Community Ministry International, Inc. kon KAPA, ang gibansagang pinakadako nga investment scam sa kasaysayan sa Pilipinas tungod sa kasong syndicated estafa.
Sa eksklusibong pakighinabi sa Bombo Radyo Butuan, gibutyag ni Atty. Ariel Moshi Cahoy, hepe sa Butuan City Permits and Licenses Division nga wala masayop ang city government pag-isyu og cease and desist order batuk sa KAPA aron dili na sila makapangilad pa og dugang mga Butuanons ug mga Agusanons.
Ang desisyon matud pa sa korte magdili na unya sa posibleng mga investment scams dinhi sa siyudad sa umalabot nga mga panahon. Gipasabot sa opisyal nga ang aksyong gihimo sa iyang buhatan batuk sa KAPA ilabina dihang nag-renew sila sa ilang business permit, mugna kini sa kalahi sa ilang aktwal nga operasyon gikan sa gi-aplayan nilang permit.
Mipasalig kining andam mu-atubang ang mga city officials kung ipatawag sa korte ilabina kung makatabang sa kinabag-ang katawhan ang ila unyang testimoniya.
Kini bisan pa man nga sa ingon niini nga kaso, ang kasagarang ipatawag kadto lang mga nalambigit niini sama sa mga akusado, mga biktima ingon man ang ilang mga saksi.
