BUTUAN CITY – Natala dinhi sa dakbayan sa Butuan ang pinakataas nga heat index sa tibuok Pilipinas kagahapon sa alas-dos sa hapon nga mi-abot sa 52- degrees Celcius.
Sa computed heat index nga gipagawas sa the Philippine Atmospheric, Geophysical and Astronomical Services Administration kon PAGASA, na-abot sa syudad ang maong pilegrusong level sa heat index tungod kay ang 41- degrees celcius pataas, makonsiderang delikado tungod kay dako ang tsansang makamugna kini og mga risgo sa paglawas sama heat cramps ug heat exhaustion nga mamahimong muresulta sa heat stroke.
Alayon niini padayon usab ang tambag sa ahensya nga magpabiling hydrated ug likayan ang paglakaw-lakaw labi na sa udto ingon man mu-inom og walo hantod 12 ka basong tubig adlaw-adlaw aron malikayan ang susamang mga risgo sa panglawas nga hatod sa sobrang kainit sa panahon.
Mahinumdumang niadtong Mayo 6, nakatala usab ang Butuan og pinakataas nga heat index nga mi-abot sa 53-degrees Celsius.
