BUTUAN CITY – Mi-aksyon na og kabalaka ang katawhan ning siyudad sa pagbaha sa pipila ka area sa syudad tungod sa mibara nga mga basura.
Sa pakighinabi sa Bombo Radyo Butuan, gibutyag ni City Councilor Vincent Rizal Rosario – Chairman sa Committee Infrastructure sa Sangguniang Panlungsod nga daling mibaha sulod na sa tulo ka sunod-sunod nga adlaw ang kadalanan sa sentrong bahin ning siyudad tungod sa nakabarang mga basuta sa mga outlets sa mga drainage canals.
Kini ang hinungdan nga padayong nakigkumbati ang mga personahe sa Department of Public Works and Highways kon DPWH aron sa pagpangita sa mga canal nga dunay mga nakabara nga basura hangtud nga natud-an kini sa may A. D. Curato paingon sa J.Flores Avenue.
Gidugang sa opisyal nga padayong naningkamot si Mayor Ronnie Lagnada aron madugangan ang urban drainage sa syudad kondiin karung buwana usab sugdan ang paghimo niini sa may AD Curato paingon sa Guingona Park, ngadto na sa J.Flores Ave. partikular sa Rosario St hangtod na sa Post office aron kung dunay kusog nga ulan dili na mahimong problema sa katawhan ang baha.
Alayon niini, hangyo ni Rosario sa katawhan nga unta pabiling obserbahan ang proper waste disposal ug dili magpataka og labay sa mga basura sa ingon dili na mahimong problema pa ang pagbaha.
