BUTUAN CITY– Gilauman sa Bangko Sentral ng Pilipinas kon BSP nga mosunod pa ang dugang mga bangko sa pagwagtang o pagkunhod sa bayranan sa fund transfers ngadto sa ubang bangko ug e-wallets aron mapalapad ang paggamit sa digital payments sa nasud.
Sumala ni BSP Governor Eli Remolona Jr., posible nga sulod sa pipila ka adlaw mas daghan pang financial institutions ang mopatuman sa maong lakang, sunod sa desisyon sa Bank of the Philippine Islands kon BPI ug Rizal Commercial Banking Corporation kon RCBC nga wagtangon ang InstaPay ug PESONet transfer fees pinaagi sa ilang digital platforms.
Sigon ni Remolona, ang pagkunhod o pagwagtang sa transfer fees makahatag og mas daghang kapilian sa mga konsumidor ug makadasig sa mas daghang Pilipino nga mogamit sa digital payment system.
