BUTUAN CITY – Gikumpirma sa Surigao City Police Office nga patay sa gilusad nilang buybust/entrapment operation sa Purok Million, Amat St.,Brgy. Taft, Surigao City bandang ala1:00 sa hapon kagahapon ang gun dealer nga barangay kapitan sa Balibayon nga si Reneboy Aquino.
Sa eksklusibong pakighinabi sa Bombo Radyo Butuan, gipadayag ni PLCol Christian Rafols, hepe sa Surigao City Police Station, nga gihimo ang operasyon human nga ang ilang dinakpan kaniadto nga nalambigit sa ilegal nga druga naghatag og cellphone number sa tawong mamahimo matud pang mapalitan og bisan unsang klase sa armas hinungdan sa pag-verify gilayon niini.
Hapit usab mag-bulan ang gihimong negosasyon sa mga operatiba ngadto sa nasangpit nga kapitan adiser kini misugot hinungdan sa paglusad gilayon og buybust/entrapment operation.
Sigon ni PLCol Rafols, ulahi nang nasayod ang iyang mga sakop nga barangay kapitan diay ang ilang subject sanglit contact number lang ang gihatag kanila.
Gipadayag sa opisyal nga human ang binayluay sa kwarta ug armas sa operatiba ug sa kapitan nakita sa target person ang usa ka pulis nga iyang nailhan hinungdan sa pagpusil niini sa ka-transaksyong pulis apan wala kini mibuto hinungdan sa pagpusil usab sa otoridad.
Mikasa pa ka-usa ang kapitan apan nautrohan kiini sa operatiba hinungdan sa iyang kamtayon.
Gipadayag usab ni PolLt Col Christian Rafols nga dakpon lang unta nila ang suspek aron mapalawman ang imbestigasyon kung diin gikan ang mga armas nga gibaligya niini apan tungod sa gipakita niining dautang lihok rason nga nahimong duguon ang operasyon.
Nakuha sa posisyon sa kapitan ang usa ka kalibre 45 nga iya untang ibaligya uban sa usa ka granada sulod sa bag niini.
Alayon niini nangayo siya og dispensa sa kabanay sa kapitan sa maong hitabo dungan sa pagpasabot nga dili unta kadto mahitabo kung wala pa kini mihimo og dautang lihok.
