-- ADVERTISEMENT --
BUTUAN CITY- Sulod na ang Brazil sa Round of 16 sa FIFA World Cup 2026 human gipildi ang Japan, sa skor nga 2-1, sa usa ka makapahinam nga duwa sa Round of 32 sa Houston Stadium.
Una nga nakalamang ang Japan pinaagi sa goal ni Kaishu Sano sa unang bahin sa duwa, apan mibawi ang Brazil sa ikaduhang bahin pinaagi sa header ni Casemiro sa ika-56 nga minuto.
Pag-abot sa last minute, naselyohan ni Gabriel Martinelli ang kadaugan sa Brazil pinaagi sa game-winning goal sa injury time, nga nagpasig-uli sa paglaom sa 5 times world champion alang sa ilang kampanya sa titulo, samtang naputol usab ang impresibong paningkamot sa Japan sa maong torneyo
