BUTUAN CITY – Dayag nga makita sa mga panagway ang dakong kalipay sa mga palarang nakadawat og ayudang food packs nga gilangkuban sa bugas, mga itlog ug de-lata gikan sa Bombo Radyo Butuan.
Gi-adtoan sa mga Bombo Radyo reporters ang Barangay Mahay ning dakbayan og natunulan sa maong hinabang sila Melody Labrado nga taga Purok 5, si Niño Lague sa Purok-3 ug Maricel Hampac, 40-anyos nga taga Purok-1 sakop sa maong barangay.
Ang maong mga food packs nga gikan kang Nanay Rosaryo ‘Sayong’ Aruj dakong tabang alang sa mga nakadawat na niini ilabina ning panahon sa krises nga hatud sa Covid-19.
Sa laing bahin, pulos pasalamat usab ang nalitok sa mga nakadawat sa libreng antyuhos ning sibyahan.
Personal nga midalikyat ning sibyahan ang nagtinguhang maka-avail sa libreng eye glasses nga gikan sa Faith Baptist Church pagpanguna ni Pastor Vicente Serrano.
Mapasalamaton sila og dako ilabina kay nakuha nilang libre ang makatabang sa ilang panan-aw.
Lakip niini sila Nonito Noleal nga taga Barangay Taligaman, Butuan City; Francisco Gogo ug Lilia Gogo nga taga Barangay Dumalagan ning siyudad sa Butuan.
