Blood-letting uban sa Bombo Radyo Butuan, nagpadayon karon sa Las Nieves

BUTUAN CITY – Nagpadayon karon ang blood-letting activity sa lungsod sa Las Nieves, Agusan del Norte kansa hini-usang proyekto uban sa Bombo Radyo Butuan.

Sa pagkutlo niini nga balita, anaa na sa 24 ka mga tawo ang malampusong nakadonar na sa ilang dugo kansa gipahigayon sa mismong lobby sa Las Nieves Municipal Hall uban ang mga personahe usab sa Philippine Red Cross.

Gihimo kini isip civic activity taliwa pa man sa nagtunhay karong COVID-19 pandemic aron lang duna’y magamit nga dugo ang mga tawong manginahanglan niini.

Mahinumdumang niadtong Sabado, susamang kalihukan ang gihimo usab ning sibyahan isip suporta sa tinuig nang kalihukang ginahimo sa konseho sa Brgy. Doongan ning siyudad sa Butuan.