BUTUAN CITY – Temporaryong gisuspende sa Coast Guard Station Surigao del Sur ang biyahe sa tanang mga barko ug mga sakyanang pandagat nga maglawigan sa mga ruta nga nasulod sa ilang area of responsibilities.
Kini human nagpagawas og weather forecast kaganinang alas-tres sa kaadlawon ang Philippine Atmospheric, Geophysical and Astronomical Services Administration kon PAGASA kalabot sa kusog nga hanging maka-apekto sa maong lalawigan tungod sa low pressure area.
Applicable kini sa tanang sakyanang pandagat nga duna’y timbang nga 35-gross tonnage pa-ubos ug pabalikon lang sa ilang biyahe kung mumaayo na ang lakat sa panahon.
Samtang gi-abisuhan usab ang tanang lumulopyo sa lalawigan sa Surigao del Norte nga mugamit og sakyanang pandagat, pampasaheroan man o dili, nga mag-ignay sa kadagatan dapit sa Claver, Surigao del Norte tungod sa himuong cable burial, proyekto sa Philippine Domestic Submarine Cable System ng gisugdan na niadtong Marso 3 hangtud sa Disyembre 30 ning tuiga.
Gitambagan ang tanan nga kung makit-an ang maong operasyon, ipa- usab na lang ang ilang agi-anan aron makalikay sa aksidente
