BUTUAN CITY – Posibleng magpatuman og bigtime oil price rollback ang mga kompanya sa lana sa presyo sa gasolina, diesel, ug kerosene sunod semana tungod sa pag-ayo na sa relasyon sa Estados Unidos ug Iran.
Base sa unang banabana sa Department of Energy kon DOE, mahimong mokunhod ang gasolina og ₱4 hangtod ₱5 kada litro samtang ang diesel, mikunhod og ₱8 hangtod ₱10 kada litro ug ang kerosene mukunhod og ₱9 hangtod ₱11 kada litro.
Apan, wala pa kini kasigurohan tungod kay nagdepende gihapon kini sa kalig-on sa kasabutan sa ceasefire tali sa Estados Unidos ug Iran.
Nakadugang usab sa kawalay kasigurohan ang pagbalhin sa iskedyul sa giplanong pakighisgot sa Estados Unidos ug Iran sa Switzerland, nga makatabang unta sa pagpalig-on sa kasabutan sa rehiyon.
