BUTUAN CITY – Giklaro sa Bureau of Fire nga walay natalang angol o patay sa nahitabong sunog sa usa ka residential house sa Brgy. San Vicente sakop ning dakbayan sa Butuan.
Sumala kang Fire Officer 3 Eric Dayon base sa ilang pagresponde luwas ang mga bata nga nakagawas sa nasunog nga panimalay.
Wala gilayon kini nakit-an human nga nanago sa kasagingan tungod sa kahadlok.
Base sa inisyal nga imbestigasyon, gituohang nagdula ang mga bata ug pospuro ug tungod s agama sa light material ang panimalay daling niulbo ang kalayo.
Base matod pa sa nahinabing iyaan sa mga bata, daan ng nahitabo ning nakalabay’ng simana nga nasakpan niyang nagdula ug pospuro ang mga niini.
Mukabat sa 60-70 percent o partially burned ang nasangpit nga balay human nga nagtinabangay ang mga silingan sa pagpalong sa niulbong kalayo.
Natigayon ang insidente pasado alas 2 kagahapon sa hapon sa may Brgy. San Vicente.
Alayon niini nagpasidaan usab si FO3 Dayon ngadto sa publiko nga isang-at o itago ang mga pospuro aron dili kini basta madulaan sa mga bata nga maoy hinungdan sa sunog.
