BUTUAN CITY- Gikasuhan sa US Department of Justice si kanhi Cuban President Raúl Castro sa Miami, Florida.
Gidemanda ang kanhi President ug laeng lima pa ka “conspiracy” aron patyon ang US nationals, upat ka ihap sa murder ug duha ka ihap sa destruction of aircraft.
Gi-akusaran ang kanhi resident ug Cuban military sa pagpahagsa matud pa niadtong 1996 og 2 ka civilian planes nga gipanag-iyahan sa Cuban-American group nga “Brothers to the Rescue” ug mingpatay og upat ka-tao lakip ang tulo ka Americans samtang anaa sa humanitarian mission sa Florida Straits.
Ang kanhi Presidente, nga anaa sa edad nga 94-anyos na karun, nagsilbi kani-adtong lider sa armed forces sa Cuba ug minghatag matud pa kani-adto nga patumbahon ang mga eroplano.
Ang laen pang defendant sa kaso mao ang fighter pilot.
Gikondena usab sa kasamtangang Presidente sa Cuba nga si Miguel Díaz-Canel ug sa ilang Foreign Ministry ang maong lakang. Gitawag nila kining usa ka “political maneuver.”
Gipasiugda sa Cuba nga ilegal ang akusasyon. Matud pa niini, self-defense o pagpanalipod sa kaugalingon ang nahitabong pagkahagsa sa mga eroplano tungod giila nilang “terorista” ang grupong Brothers to the Rescue. Nagtuo usab sila nga gigamit lang kini sa administrasyon ni U.S. President Donald Trump aron magsilbing hinungdan sa mas grabe nga agresyong militar batok sa ilang bans
Ang nahimong lakang sa US taliwa sa kasamtangang kampaniya sa Trump administration aron palagputon ang unom na ka dekadang communist regime sa Cuba.
