BUTUAN CITY – Gitumbok sa mga otoridad sa Germany nga usa ka terrorist attack ang pag-atake sa Pride event sa Christopher Street Day sa Berlin kansa usa sa pinakadako nga LGBTQ Pride events sa Urupa dayong butyag nga may kalabotan kini sa Islamist extremism.
Nasayrang usa ka tawo ang patay ug angol sa lain pang uban human gidaro sa usa ka puti nga minivan ang Tiergarten Park duol sa Brandenburg Gate sa Berlin niadtong Sabado sa gabii kondiin sa maong ihap, walo ang grabe ang kahimtang ug tulo ang kritikal ang kondisyon.
Ang suspek nga si Abdul B, usa ka German citizen nga adunay Lebanese background ug sumala sa mga imbestigador, bag-o lang kini nakagawas sa juvenile detention duha ka bulan sa wala pa ang insidente ug dugay nang gi-monitor sa domestic intelligence tungod sa posibleng koneksyon sa Islamic State group.
Nagpadayon usab ang imbestigasyon aron masuta kung nag-inusara ba ang suspek o adunay kauban, human gisulti sa kapulisan nga posible nga labaw pa sa usa ka tawo ang mikanaug gikan sa sakyanan..
