BUTUAN CITY – Mapasigarbuhong gipakita ni Miss Universe Philippines 2026 Bea Millan-Windorski ang kulturang Pilipino sa internasyonal nga entablado pinaagi sa pagsul-ob sa usa ka silk creation nga gidisenyo ni Jaggy Glarino alang sa iyang ika-upat nga adlaw sa Puerto Rico.
Gikuha ang inspirasyon sa maong sinina gikan sa pamilyar nga disenyo sa habol nga makita sa daghang panimalay sa mga Pilipino ug nahimong kabahin sa mga handumanan sa nagkalain-laing henerasyon.
Pinaagi sa maong disenyo, gipasidunggan ni Bea ang iyang gigikanan ug ang kulturang Pilipino nga iyang gidala sa maong internasyonal nga kompetisyon.
Samtang gipahigayon usab ang orientation alang sa mga kandidata isip kabahin sa ilang pagpangandam sa nagkaduol nga Miss Universe competition.
