BUTUAN CITY – Wala’y duha-duhang gi-angkon nsa Canadian singer-songwriter nga si Alanis Morissette nga usa siya ka pansexual atol sa iyang guest appearance sa usa ka podcast niadtong Nobyembre 3.
Nahisgotan ang iyang sexual orientation atol sa panag-istorya nila sa mga hosts kondiin gihisgotan ang iyang mga kasinatian sa mga relasyon ug kung adunay posibilidad nga ma-attract siya sa mga tawo bisan unsa pa ang ilang gender.
Dinhi na giklaro ni Morissette nga pansexual siya – usa ka sexual orientation diin ang usa ka tawo mahimong makabati og romantic o sexual attraction sa laing tawo bisan unsa pa ang gender identity niini.
Si Morissette nailhan sa iyang mga sikat nga kanta sama sa Ironic, You Oughta Know ug Thank U, ug usa sa mga nailhang musikero sa Canada nga nakadawat og pito ka Grammy Awards.
Naminyo siya sa musikero nga si Mario “Souleye” Treadway niadtong 2010 ug aduna silay tulo ka anak.
Ang iyang pag-angkon sa maong sexual orientation nag-viral sa social media, ilabina tungod kay usa siya sa mga prominenteng babaye sa industriya sa musika nga dayag nga mipadayag bahin sa iyang sexual identity.
