BUTUAN CITY – Gikumpirma sa pamilya ni Gil Aducal Morales, nga mas nailhan sa showbiz isip Ate Gay, ang iyang pagtaliwan pinaagi sa usa ka pamahayag nga gipagawas sa iyang opisyal nga Facebook page niadtong Nobyembre 1, 2026.
Sumala sa pamilya, mipanaw si Ate Gay human sa iyang maisog nga pakigbisog alang sa iyang kinabuhi, samtang gilibotan sa iyang mga minahal sa kinabuhi.
Nailhan si Ate Gay isip usa ka komedyante ug impersonator sa batikang aktres nga si Nora Aunor, nga gihigugma sa daghan tungod sa iyang pagpakatawag ug pag-impersonate sa gitawag nga Superstar.
Nagpasalamat usab ang iyang pamilya sa tanan nga naghatag og mga pag-ampo, gugma, pinansyal nga tabang ug suporta atol sa iyang pagpakigbisog batok sa sakit.
Gihangyo usab nila ang padayong pag-ampo alang sa iyang malinawon nga pagpahulay.
