BUTUAN CITY- Mingtakilid ang usa ka cargo ship nga LCT 8 sa kadagatan sa Barangay Bon-ot, Carrascal, Surigao del Sur, kagahapong adlawa, November 10, 2026.
Base sa inisyal nga impormasyon, nasangyad matud pa sa pag atras ang maong barko tungod sa daot nga kahimtang sa panahon rason sa pag-takilid niini samtang gikan sa dunggoanan sa Carrascal Nickel Corporation.
Gibana-bana nga mokabat sa 800 ka litro sa krudo ang ming-awas gikan sa barko ug mingkanat sa kapin 200 metros nga bahin sa kadagatan.
Human sa insidente gilusad gilayon ang operasyon aron makontrolar ang oil spill ug malikayan ang dugang nga pagkaylap niini
Nakigtambayayong na usab ang mga otoridad sa Carrascal Municipal Disaster Risk Reduction and Management Office alang sa pagresponde sa maong insidente.
Samtang luwas gikan sa peligro ang tanang 16 ka tripulante nga sakay sa barko lakip na ang kapitan.
Gimonitor usab sa mga otoridad ang kahimtang sa maong kadagatan ug gipahigayon ang gikinahanglang mga lakang aron malikayan ang dugang epekto sa oil spill palibot ug sa kinabuhi sa mga lumulupyo sa baybayon.
