BUTUAN CITY- Gibutyag ni Jeffrey “Ka Eric” Celiz, Secretary General sa Bangon Sambayanan, nga constitutional rights sa usa ka akusado ang paghangyo og piyansa, apan nagpabilin kini nga nakadepende sa desisyon sa korte base sa gibug-aton sa ebidensiya.
Sumala ni Celiz, ang dali nga aksyon sa Sandiganbayan sa bail petition ni Sen. Bong Revilla nagpatunghag pangutana kung adunay mga “back channel” o dili pormal nga pakig-estorya, ilabina dili susama ang gihatag nga pagtagad sama nila Sen. Rodante Marcoleta, Sen. Jinggoy Estrada, kanhi Sen. Mike Defensor ug sa uban pang mga personalidad.
Gikomentohan usab ni Celiz ang gipagawas nga anunsyo sa Ombudsman kalabot sa preliminary investigation batok kang Sen. Loren Legarda, Rep. Leandro Leviste ug PDP-Laban President Al Cusi, kansa iyang giingong kabahin sa usa ka padayon ug sistematikong pag-atubang sa mga lider sa oposisyon nga nalambigit sa kampo nila kanhi Presidente Rodrigo Duterte ug Bise Presidente Sara Duterte.
Dugang pa niini, nga sama sa gihimong pamahayag ni Sen. Alan Peter Cayetano, gi-anam-anam na ang mga senador nga kritiko sa gobyerno hilabi na ang mga anaa sa Duterte political group ni President Ferdinand Marcos Jr. aron pugngan ug pahuyangon ang mga grupo sa oposisyon.
