-- ADVERTISEMENT --
BUTUAN CITY – Padayon ang pagsuhid sa kapulisang sakop sa Butuan City Police Station 3 ang pinuy-anan sa nagpa-ilang mga lider sa tribung Lapaknon sa may Purok Tawilon, Brgy. Ambago ning siyudad.
Partikular nga gisuhid ang pinuy-anan nila Reynante Asaytuna nga nagpa-ilang Supremo ug ang gi-ilang rajah matud pa sa ilang tribung si Eddie Asaytuna.
Kini base na sa search warrant nga gi-isyu sa korte subay sa mga impormasyong naghupiot sila og mga armas nga maoy ilang gipagamit sa ilang mga bagani ilabina diha sa pagpanghuraw sa mga residente sa yutang ilang gi-angkong gikan sa ila matud pang katiguwangan.
