BUTUAN CITY – Hingpit nang milingkod kagahapong adlawa si Brigadier General Allan Molintas Nazarro isip regional direcctor sa Police Regional Office kon PRO-13 hulip kang Brigadier General Kirby John Kraft, kinsa gibalhin na sugod kagahapong adlawa Camp Crame.
Kini human ang gihimong turn-over ceremony ning hapuna lang. Sigon ni PMajor Jennifer Ometer, tigpamaba sa PRO-13, ang paghulip ni General Nazarro mugna na usab sa pagka-promote ni General Kraft human ang napulo ka buwan niyang assignment dinhi sa Caraga Region.
Gipasabot ni Major Ometer nga tungod sa kadaghan sa mga one-star general karon sa han-ay sa Philippine National Police kon PNP, gipaningkamutan sa liderato nga mahatagan sila og kahigayunan nga mahimong regional director bisan og unom lang ka buwan nga tenure sa ilang assignment. Gibutyag sa opisyal nga gikan pa sa Highway Patrol Group kon HPG didto sa kauluhan si General Nazarro samtang si General Kraft, ibutang sa Directorate for Personnel and Records Management kon DPRM sa Kampo Krame.
Gidugang Major Ometer nga mag-agad na unya sa bag-ong regional director kung maglahugay siya sa mga hepe sa lower units. Sa pagkakaron, duna na matud pa’y pipila ka opisyal sa ilang rehiyunal nga buhatan ang gilahugay na. via Bombo Lilibeth Ruiz
