BUTUAN CITY- Opisyal nang naila ang mga nabiling reyna sa Miss Universe Philippines human ang Coronation Ball nga gipahigayon sa Parañaque City niadtong gabie sa Mayo 10.
Sa maong panagtapok, gikoronahan ang mga kandidatang magrepresenta sa Pilipinas sa nagkanda-iyang international pageants ubos sa “The Miss Philippines” brand.
Lakip sa mga gi-ila si Allyson Hetland isip Miss Supranational Philippines, samtang si Bella Ysmael usab gikoronahang Miss Cosmo Philippines.
Si Jenrose Javier ang mahimong Miss Eco International Philippines, ug si Apriel Smith ang Miss Charm Philippines.
Lakip sa mga bag-ong titulo si Nicole Borromeo isip Miss Worldwide Philippines ug si Marianne Arellano isip Miss Tourism Worldwide Philippines.
Adunay mga special titles usab nga gihatag sa pipila ka semifinalists sama nila Catherine Wardle isip Miss Teen Universe Philippines ug Trexy Paris Roxas isip Miss Eco Teen International.
Sumala sa organisasyon, kini ang unang higayon nga ipahigyaon ang usa ka Coronation Ball arpn opisyal nang ipasa ang mga korona, hulip sa kanhi tradisyon nga dali-ang awarding human sa main pageant night.
Kahinumduman ang korona sa Miss Universe Philippines 2026 una nang gihatag kang Bea Millan-Windorski sa usa ka lahi nga coronation niadtong Mayo 2 sa Pasay City.
