BUTUAN CITY – Natusok sa kabilya ang abaga sa usa ka babaye sa Cebu human kini nahagbung sa ilahang panimalay dihang ning uli nga hubog.
Naila ang maong babaye nga si si Alyas Junavle, 36-anyos, ug lumolupyo sa Sitio Krusan Brgy. Bulacao, dakbayan sa Talisay.
Sumala sa kabanay ni Junavle, hubog kini nga niuli bandang alas una sa kadlawon, gani gihatud pa kini sa iyang mga barkada.
Misaka kini sa ikaduhang andana sa ilang panimalay paingon sa iyang kwarto, apan tungod sa kahubog, misuka kini sa terrace sa nga igo lang gialihan og hardiflex hinungdan nga natagak si Junavle ug natusok sa kabilya ug naigo sa may ubos sa abaga niini.
Dali kining girespondehan sa mga sakop sa Bulacao Lifecare Emergency Team ingon man sa BFP Talisay City.
Gitagaan usab og oxygen ang maong babaye ug taod-taod pod nga naputol ang kabilya sa abaga niini pinaagi sa hydraulic cutter.
Daling gidala sa pinaka-duol nga tambalanan dakbayan sa Talisay si Junavle alang na sa pagtangtang sa kabilya nga natusok sa lawas niini.
