BUTUAN CITY- Gihatagan og katin-awan ni Alfe Guergio, Barangay Secretary sa Barangay Los Angeles Butuan City ang reklamo sa baho sa baboy nga gipangumhan sa magti-ayong Essie ug Junard Quilario.
Sumala ni Guergio, nga gisuta sa barangay team kauban ang DWM, mga opisyal ug tanod ang duha ka baboyan sa Purok 9 ug Purok 11 ug nakumpirma nga tinuod ang baho nga nag-aghat sa mga silingan nga magreklamo. Gani gibutyag usab niini, nga atol sa ilang pagbisita sa babyoan sa magtiayon wala matud pa gibawala sa barangay ang pagpamuhi og baboy apan gihatagan lang og pasidaan nga limpyoha ug ampingi ang palibot aron malikayan ang reklamo, tungod kay ang baho nakapalisod sa mga silingan sa ilang adlaw-adlaw nga panginabuhi ug makapugos pa gani nga manggawas sa ilang panimalay.
Sigon pa ni Guergio nga sukad pa sa 2024 adunay mga reklamo nga giatubang sa barangay kalabot sa baboyan, ug bisan sa iyang paglingkod isip barangay secretary sa 2025, nagpadayon gihapon ang aksyon sa mga reklamo. Apan karon lang nahitabo nga ang isyu miabot sa social media ug gipadayag sa publiko ang ilang kasuko. Giklaro usab niini, nga punto sa pagbisita mao ang pagpahimangno nga ang kalimpyo sa piggery kinahanglan pirmi aron malikayan ang reklamo ug mapreserbar ang maayong relasyon sa komunidad.
Dugang pa sa Barangay Secretary, nga bisan pa sa mga batikos sa social media nagpabilin nga lig-on ang barangay sa ilang aksyon. Gipadayag usab niini nga bisan gibuhat silang kontento sa Facebook reels, wala sila masakitan o maguol tungod kay wala man sila minglapas sa ilang trabaho ug nagpadayon sa hustong proseso.
Gani bag-ohay lang niadtong miaging semana, mibalik ang sumbong nga baho gihapon ang baboy ug nadugang pa ang reklamo ni Totong Altoveros, hinungdan nga nakapadala og sulat sa City ENRO ug nakig-uban kini sa public consultation sa Purok Santol.
Sumala pa niini, nga wala gibawalan sa City ENRO ang pagpamuhi og baboy apan tungod kay anaa kini sa residential area, kinahanglan nga ibalhin sa mas angay nga lugar aron malikayan ang reklamo ug dayong pahimangno sa magti-ayon kabahin sa ilang pangutana kung pila ang minimum sa pagpamuhi og baboy nga dili kinahanglan og minimum sa pagpamuhi, ang importante nga walay mosupak sa baho, ug kung gusto nga magpadayon, pwede kining ibalhin sa laing lugar nga walay mo-reklamo.
