BUTUAN CITY- Gipasiugda sa constitutional law book author ug law professor nga si Atty. Jennifer Arlene Reyes nga dili maka-apekto sa bug-at nga testimoniya ni Ramil Madriaga ang kasamtangan niining kaso ug ang pagka-detainee niini .Kini agig tubag sa mga pagsaway bahin sa paghatag sa Kamara kang Madriaga og taas nga panahon bisan pa sa iyang kriminal nga background.
Sa exclusive interview sa Bombo Radyo, sigon ni Reyes nga ang balaod sa Pilipinas naglatid nga ang tanang tawo mahimong magsilbing saksi sa usa ka kaso basta sila adunay personal nga kahibalo, bisan unsa pa ang ilang personal ug kriminal nga background. Wala usab matud pa kini gibawal bisan sa convicted criminal, gani pasagdan lang usab matud pa sa korte ang ilang pagtestigo, base sa ilang nahibaloan sa mga partikular nga kaso. Pag-insistar sa abogado, hatagan sa korte og proteksyon ug igo nga oras ang mga testigo aron magpresentar sa ilang kahibalo, nga dili kwestyonon ang ilang background.
Dugang pa sa abogado nga responsibilidad na sa defense nga pamatud-an kung sayop o hinimo-himo ang mga pamahayag sa usa ka testigo, diin dili na ipa-agi sa pagkuwestyon sa criminal background sa usa ka witness. Paginsistar sa law professor, nga mas maayo nga tubagon sa kampo ni Vice President Sara Duterte ang alegasyon ni Madriaga ug pamatud-ang dili kini credible witness
