BUTUAN CITY – Gi-andam na ang kasong ipasaka batuk sa 9 ka Chinese og usa ka Filipino human na-aresto tungod sa gihimong ilegal nga pagmina sa Carac-an Downstream, Brgy. Lobo, Cantilan, Surigao del Sur sa miaging mga adlaw.
Gipangunahan ang nasangpit nga impormasyon sa Regional Intelligence Division 13 alayon sa hugot nga koordinasyon sa Department of Environment and Natural Resources (DENR) Regional Enforcement Division, Mines and Geosciences Bureau (MGB) Caraga, Community Environment and Natural Resources Office (CENRO) Cantilan, Regional Mobile Force Battalion 13 (RMFB13), National Bureau of Investigation (NBI) Caraga, Philippine Air Force (PAF), Cantilan Municipal Police Station (MPS), og 2nd Surigao del Sur Provincial Mobile Force Company (PMFC).
Nakumpiska sa maong operasyon ang daghang mga heavy equipment og mining paraphernalia gikan sa tulo ka lugar lakip na ang mga excavators, payloaders, dump trucks, generator sets, sluice boxes, water pumps, bunkhouses, og uban pang support equipment nga gigamit sa pagkuha og mineralis.
Sa mga heavy equipment lang nga nakumpiska nagkantidad na kini sa 50-milyones og 500-mil pesos walay labot ang ubang mga materyales.
Sa karun ang suspetsado gikustudiya na sa Cantilan Municipal Police Station alang sa tukmang disposasyon samtang gihikay ang kasong may kalapasan sa Republic Act No. 7942, nga mas nailang Philippine Mining Act of 1995, lakip na ang uban pang mga environmental og immigration laws.
Samtang ang mga narekober nga ekwepo og butang gi-turned over ngadto sa DENR alang sa saktong disposason og environmental case build-up.
