BUTUAN CITY – Nagbilin og usa ka patay ang natigayong aksidente sa kadalanan dihang nagbangga ang usa ka motorsiklo ug de-pasaheroang bus diha sa P-5, Brgy. Dankias, Butuan City pasadalo alas-4 sa hapon kagahapong adlawa.
Sa imbestigasyon sa Butuan City Police Station 5, nasayrang padulong sa syudad ang King Long bus apan sa pag-abot sa maong dapit, nasugatan kini sa motorsiklo nga gimanihoan ni Alma May Alas, 26 -anyos, dunay ka live-in partner ug residente sa P-1, sakop sa nahisgutang barangay kinsa wala na makalikay rason sa head-on-collision.
Tungod sa panghitabo nagupi ang atubangang bahin sa bus samtang mipa-ilalom sa bus ang biktima uban sa motorsiklo kinsa nadaro pa og pila ka metros kondiin nadala pa sa ospital ang biktima apan gideklara ra usab kining dead on arrival ug nasutang wala’y driver’s license.
Anaa na sa kustodiya sa kapulisan ang bus ingon man ang driver nga nailang si Ludger Ebcas Bermoy, 37 anyos, minyo ug residente sa Purok 2, Brgy. De oro, Butuan City, Agusan Del Norte.
