BUTUAN CITY – Pabalik na sa kalibutan ang ang mga astronauts sa Artemis II human naglusad og makasaysayanong lunar fly-by ug nakasaksi pa sa usa ka total solar eclipse gikan sa ilang gisakyang spacecraft.
Sigon ni Commander Reid Wiseman, ang Orion aircraft crew, nakakita sa mga talan-awon n ga wala sukad makita sa tawo samtang gipadayag usb sa pilotong si Victor Glover nga wala’y bisan unsa nga pulong ang makahulagway sa ilang na-obserbahan.
Nasayrang naka-abot ang spacecraft sa gilay-ong 252,756-milyas kon 406,772-kilometros gikan sa kalibutan atol sa lunar fly-by.
Nawad-an pa og koneksyon sa NASA ang mga astronauts dihang anaa likod sa Buwan kansa daan nang gila-uman ug milungtad og 40-minutos. Dihang namulong na si mission specialist Christina Koch gikan sa spacecraft, nanghugyaw sa kalipay ang mga anaa sa NASA.
Samtang gipadayag ni US President Donald Trump nga nakahimo og history ang maong mga astronauts ug naghimo sa Amerika nga mapagarbuhon kaayo dayong imbitar kanila sa White House.
