BUTUAN CITY – Gi-aprubahan na sa parliamento sa Ghana ang usa ka balaudnon nga mag-criminalize sa identification sama sa LGBTQ+ o kaha kadtong nag-promote sa mga gay activities.
Ang lehislasyon nga gitawag og Human Sexual Rights and Family Values Bill nga duna’y sentensyang pagkapriso sulod sa tulo ngadto sa napulo ka mga tuig, gikatakdang pirmahan ni President John Dramani Mahama.
Tungod niini, gibutyag sa mga community organizations nga nabalaka na ang mga sakop sa LGBTQ+ nga mawala ang ilang mga pinuy-anan, trabaho ug access ngadto sa healthcare, ug karon, daghan na ang naglimpyo sa ilang mga social media accounts.
Sigon ni Leila Lariba, director sa One Love Sisters Ghana, usa ka organisasyon nga misuporta sa mga lesbian ug bisexual women, nagppanic ug nahadlok na karon ang mga tawo.
Kini ilabina nga ang maong balaudnon, maka-apekto sa lugar diin ka nagpuyo tungod kay mahimo kang ma-evict o kaha mawad-an ka og trabaho.
