BUTUAN CITY – Usa ka amasona sa rebeldeng New People’s Army kon NPA ang patay samtang duha ka mga sundalo ang angol human ang 30-minutong engkwentro kaganinang buntag didto sa kabukiran sa Camp Edward, Alegria, Surigao del Norte.
Natigayon ang engkwentro tali sa tropa sa 30th Infantry (Fight On) Battalion, Philippine Army ug sa mga sakop sa Sentro De Grabedad, Guerilla Front16, NorthEastern Mindanao Regional Committee.
Nasayrang naglusad ang militar og security patrol isp responde sa report sa mga sibilyan kalabot sa presensya sa mg rebelde sa maong lugar nga nangilkil og kwarta ug nangayo og pagkaon.
Gipa-arakan matud pa sila rason nga mibalos ang kasundaluhan nga miresulta sa pagbuy-od sa amasona kinsa gibiyaan lang sa iyang mga ka-ubanan kinsa mikagiw sa managlahing direksyon.
Narekober gikan sa encounter site ang tulo ka mga AK 47 rifles, usa ka Spike Tactical M16 nga duna’y scope, lima ka mga Improvised Explosive Device (IEDs). tulo ka C5 ug duha ka C4, mga medical supplies, 18 ka mga backpacks nga duna’y personal nga mga gamit ug mga high value nga mga subersibong dokumento.
