BUTUAN CITY – Dakong bakak ang pasi-atab sa Makabayan bloc nga mga sibilyan ang uban sa 19 nga napatay sa engkwentro sa Toboso, Negros Occidental.
Kini ang baruganan ni Ka Boom, usa ka kanhi lider sa rebeldeng New People’s Army nga anaa na karon naglihok sa panig sa gobyerno.
Sa eksklusibong pakighinabi ning sibyahan, gikwestyon ni Ka Boom kung nganong nagtapok isip usa ka grupo ang mga biktima ug kung nganong nakuhaan sila og armas.
Pasi-atab na lang matud pa kini sa mga grupo ilabina sa mga magbabalaud nga gustong pa-imbestigahan ang maong hitabo aron maluwas sa ilang obligasyon ngadto sa mga kabanay ilabina sa mga ginikanan niadtong mga biktima nga estudyante pa.
Hinuon nagtuo si Ka Boom nga duna’y rebel surrenderee sa grupo nga mipindot sa mga sundalo rason nga usa lang sa ilang pwersa ang angol.
Kini gawas pa sa posibilidad nga nag-unay og pinusilay ang maong grupo rason sa daghan nila nga casualty, base na usab sa iyang kasinatian dihang aktibo pa siya sa walhong kalihukan.
