BUTUAN CITY – Gipasakaan na og kaso ang pito ka mga kadete sa Philippine National Police Academy (PNPA) nga nalambigit sa brutal hazing gamit ang muriatic acid batuk sa kapin 20 ka mga plebes sa Silang, Cavite.
Base sa report sa Police Regional Office (PRO) 4-A, kasong paglapas sa Republic Act No. 11053 ang gi-atubang sa lima ka mga 3rd Class Cadets ug duha ka 2nd Class Cadets.
Apil sa gikasuhan ang usa ka tactical officer nga duna’y ranggong police major ug usa ka tactical police non-commissioned officer nga duna’y ranggong Police Senior Master Sergeant tungod sa kakulang sa pagbantay ug pagpatuman og disiplina.
Gipasaka ang kaso sa Philippine National Police Criminal Investigation and Detection Group ngadto sa piskalya sa Imus City.
Migawas sa imbestigasyon nga natigayon ang insidente niadtong Abril 3 sulod sa PNPA barracks sa Silang kondiin tulo ka kadete matud pa ang direktang nagsabwag og muriatic acid ngadto sa mga cadet student.
Tungod niini, naka-angkon og grabeng paso ang mga biktima diha sa nilang likod at iba pang sensitibong bahagi ng katawan.
Naaresto sa follow-up operations ang tulo ka kadete nga gitudlong nag-unang nalambigit sa insidente.
Gikataho usab nga gitan-aw lang sa pipila ka kadete ang hitabo ug wala gialyon mi-aksyon aron pugngan ang pagpanakit.
