BUTUAN CITY – Apil sa namatay nga 19 ka mga rebeldeng New People’s Army kon NPA sa engkwentro sa Brgy. Salamanca, Toboso, Negros Occidental ang 7th nominee sa Kabataan Party-list sa 2022 election nga si RJ Nichole Ledesma nga taga-Brgy Villamonte, Bacolod City.
Madumdumang namatay ang maong ihap sa mga rebelde atol sa engkwentro tali sa tropa sa 79th Infantry Battalion, Philippine Army kondiin apil niini si Alyssa Alano, student council member sa University of the Philippines-Diliman sa Quezon City, apil na ang magtutudlo ug tulo ka gitu-uhang foreign nationals.
Sa interbyu sa Bombo Radyo Bacolod kang Anale Colastre, second cousin ni Ledesma, gibutyag niining bisan ang panilya sa biktima, wala masayod nga mi-abin na kini sa rebeldeng grupo. Nakurat na lang sila tungod kay dili kaayo kini mugawas sa balay, hilumon ug mugawas lang sa balay kung magbahog og iro.
Nasayrang nag-inusarang anak lang si RJ nga tawgon nilang Bogart kinsa dugay na usab nga wala niya makita.
Nasayrang ang inahan niini nagtrabaho sa Negros Occidental Provincial Government samtang ang amahan, usa kaniadto ka purok president ug karon anaa sa balay human maka-recover gikan sa stroke.
